పువ్వులు గల చెట్లను కలలో చూసినట్లైతే చేయు పనుల్లో ఆటంకాలు కలుగుతాయని జ్యోతిష్కులు అంటున్నారు. అయితే పువ్వులు తలలో పెట్టుకున్నట్లు కల వచ్చినచో అధిక సంతోషము కలుగునని వారు చెబుతున్నారు.
అలాగే పువ్వులను వాసన చూసినట్లు కల వచ్చినచో స్తీ సౌఖ్యం, స్త్రీ వలన ధనలాభము కలుగును. పచ్చని కాయలు గల చెట్టును కలలో వస్తే మాత్రం అనుకున్న కార్యములు సకాలంలో పూర్తికావని జ్యోతిష్య నిపుణులు అంటున్నారు.
ఇకపోతే.. ముత్యములు, రత్నములు కలలో కనిపిస్తే.. అష్టైశ్వర్యాలు, శుభఫలితాలుంటాయి. బంగారు వస్తువులను బహుమతిగా వచ్చినట్లు కలగంటే దూరపు బంధువుల నుంచి ఆస్తి చేజిక్కుతుంది.
అలాగే బంగారు నాణెముల ఇతరులకు ఇచ్చినట్లు కల వచ్చినచో స్నేహితులు ఎక్కువవుతారని జ్యోతిష్య నిపుణులు అంటున్నారు. దుకాణములో వస్తువులు కొనునట్లు గాని, చూచినట్లుగాని కలలో కనిపించడం చాలా మంచిది. ఇలా కలగంటే.. ధనలాభము, వస్త్ర లాభం కలుగును.
